2-6 август көннәрендә «Патриот» үзәгендә «Салют-Победа» дип аталган хәрби-патриотик ярышлар узды. Чарада Казан, Тула, Орлов, Санкт-Петербург, Әстерхан шәһәрләрендә урнашкан махсус укыту һәм тәрбия бирү учрежденияләре укучылары катнашты. Ярыш нәтиҗәләре буенча беренчелеккә Раифа махсус училищесы чыкты. Икенче урында Әстерхан өлкәсе, өченче урынны Санкт-Петербург махсус училищесында тәрбияләнүчеләр яулады.