«Иделем акчарлагы» бәйгесенә гаризалар кабул итү дәвам итә

Бәйгедә Татарстан Республикасы һәм Россия Федерациясенең башка төбәкләрендә, чит илләрдә яшәүче яшь каләм ияләре катнаша ала. Катнашучыларның яше 14 – 30  кадәр.

Бәйге өч этаптан тора:

I этап – әдәби әсәрләрне кабул итү;

II этап – сайлап алу туры. Жюри тарафыннан әдәби әсәрләрне тикшерү, бәяләү;

III этап – йомгаклау өлеше: алдан төзелгән программа нигезендә, әсәрләре жюри тарафыннан уңай бәяләнгән конкурсантлар өчен 7 көнлек иҗат мәктәбе оештыру.

Номинацияләр: поэзия, проза, драматургия, балалар әдәбияты, детектив.

Бәйгегә әдәби әсәрләр idelem.akcharlagi@gmail.com электрон адресы буенча 30 сентябрьгә кадәр кабул ителә.

Тулырак мәгълүмат белән mc-idel.ru сайтында танышырга мөмкин.