Татарстаннан яшь армиячеләр Идел буе федераль округында иң яхшылары: ТР яшьләренә патриотик тәрбия бирү буенча Координация советының эш нәтиҗәләре

2019 елның 11 феврале, дүшәмбе

Татарстан Республикасы башкарма хакимияте органнарының, республика муниципаль берәмлекләренең җирле үзидарә органнарының һәм яшьләрне патриотик тәрбияләү буенча иҗтимагый берләшмәләрнең үзара хезмәттәшлеген камилләштерү максатларында 2018 елда Татарстан Республикасының патриотик тәрбия буенча Координация советы оештырылды.

Утырыш Татарстан Республикасы районнары вәкилләре белән видеоконференция форматында узды. Утырышта Татарстан Республикасы премьер-министры урынбасары Ләйлә Фазлыева, Татарстан Республикасы Яшьләр эшләре министры Дамир Фаттахов, Татарстан Республикасы хәрби комиссары Сергей Погодин һәм башкалар катнашты.