Саба районы командасы хәрби-гамәли спорт төрләре буенча спартакиада җиңүчесе булды

2019 елның 22 феврале, җомга

Казанда «Татарстан Республикасы Ветераннар берлеге» Республика ветераннар (инвалидлар) иҗтимагый оешмасының күчмә Кубогына кадетлар арасында хәрби-гамәли спорт төрләре буенча спартакиада узды. Чара Ватанны саклаучылар көненә һәм Әфганстаннан совет гаскәрләрен чыгаруга 30 ел тулуга багышланган иде.

Уенда Татарстан Республикасының барлык кадет мәктәп-интернатларыннан 15 команда катнашты.

Ярыш нәтиҗәләре буенча I урынны Саба районының Икшермә кадет интернат - мәктәбе командасы, II урынны Актаныш кадет интернат - мәктәбе һәм III урынны Татарстан кадет корпусы командасы алды. Җиңүчеләр грамота, кубоклар һәм медальләр белән бүләкләнде.