Татарстан башкаласында «Хәтер вахтасы-2019» акциясе узды

2019 елның 30 марты, шимбә

Бүген Татарстан башкаласында «Хәтер вахтасы-2019» республика акциясе узды. Тантанада Россия Федерациясе Федераль Собраниесе Дәүләт Думасы депутаты Марат Бариев, Татарстан Республикасы Ветераннар берлеге комитеты рәисе – генерал-майор Әхәт Юлашев, Татарстан Республикасы ДОСААФ региональ иҗтимагый-дәүләт берләшмәсе идарәсе рәисе – генерал-майор Дамир Динниулов, «Юнармия» төбәк хәрби-патриотик хәрәкәте штабы башлыгы – генерал-майор Александр Бородин, Татарстан Республикасы Яшьләр эшләре министры урынбасары Анна Захматова һәм башкалар катнашты.

Чара кысаларында республика районнары территориясендә узган «Хәтер Маршы – 2019» Республика яшьләр акциясенә йомгак ясалды.