Татарстанлылар үз проектларын гамәлгә ашыруга 1,3 млн сум акча отты: Казанда Бөтенроссия эшче яшьләр форумы тәмамланды
Бүген Казанда эшче яшьләрнең VII Бөтенроссия форумының ябылу тантанасы узды.
Форумда бөтен Россиядән 300 дән артык яшь кеше катнашты.
Эшлекле программаның 4 көне эчендә катнашучылар стратегик сессияләрдә һәм мастер-классларда, нетворкинг һәм пленар утырышта булырга, «Казан Экспо» Халыкара күргәзмә үзәгендә һәм Казан вертолет заводында булырга, яңа, файдалы белемнәр алырга һәм проект эшчәнлегендә үз осталыкларын күрсәтергә өлгерделәр.
Форум кысаларында катнашучылар үз идеяләрен тормышка ашыру өчен ярдәм ала алдылар. Яшь кешеләр экспертлар белән берлектә проектлар эшләде.
Бөтенроссия эшче яшьләр форумы Россия Федерациясенең икътисадый, гражданлык һәм мәдәни үсеше мәнфәгатьләрендә иҗтимагый файдалы белемнәр һәм күнекмәләр алуда яшьләрнең потенциалын ачуга ярдәм итә.