«Безнең өчен җиңү яулаган кешеләрне истә тоту бик мөһим»: Казанда «Горсть памяти» акциясе узды

2019 елның 22 июне, шимбә

Бүген, 22 июньдә, Хәтер һәм кайгы көнендә, Татарстанда, илнең барлык төбәкләрендәге кебек, беренче тапкыр «Горсть памяти» хәрби-патриотик акциясе уза. Чарада Бөек Ватан сугышы ветераны, Советлар Союзы Герое Борис Кузнецов, Татарстан Республикасы Премьер-министрының беренче урынбасары Рөстәм Нигъмәтуллин, Татарстан яшьләр эшләре министры Дамир Фаттахов, Казан гарнизоны башлыгы генерал-майор Кирилл Кулаков, Татарстан Республикасы хәрби комиссары генерал-майор Сергей Погодин, җирле үзидарә органнары вәкилләре, ветераннар иҗтимагый берләшмәләре, яшьләр оешмалары вәкилләре, шул исәптән «ЮНАРМИЯ» хәрәкәтендә катнашучылар, мактаулы каравыл, оркестр һ. б. катнашты.