ДАМИР ФАТТАХОВ: «ТАТАРСТАННЫҢ ҺӘР РАЙОНЫНДА ЯШЬЛӘР ҮЗӘГЕ БАРЛЫККА КИЛЕРГӘ ТИЕШ»
Татарстанның һәр районында яшьләр сәясәтенең үз стратегиясе барлыкка килергә тиеш, ул территория контекстын һәм яшьләр бергәлеге ихтыяҗларын исәпкә алып эшләнә. Һәр районның социаль-икътисади үсеш стратегиясенә интеграцияләнергә мөмкин булган документларны эшләү Татарстан яшьләр эшләре министрлыгы 2019-2020 елларга үзенең төп өстенлекләренең берсе дип саный. Моның өчен министрлык алга таба да яшьләр сәясәте инфраструктурасын үстерү мөһим дип саный. Бу хакта Татарстан яшьләр эшләре министры Дамир Фаттахов яшь Министрлыкның бер еллыгына багышланган матбугат конференциясендә хәбәр итте.
Министр сүзләренә караганда, районнарда яшьләр белән эшләү буенча төп бурыч социаль ярдәм, яшьләрне эш белән тәэмин итү, шулай ук районнарда яшьләр арасында аерым кыйммәтләрне формалаштырачак һәм аның тормыш сыйфатын арттырачак социаль-мәдәни мохит булдыру белән бәйле. Бүгенге көндә Татарстанда 20 муниципаль берәмлектә 29 яшьләр үзәге эшли. 25 районда яшьләр үзәкләре юк.