Татарстанның эзтабарлар отрядлары: 10 900 сугышчының җәсәдләре табылды һәм тантаналы рәвештә күмелде, 1500 солдат һәм Кызыл Армия офицерларының исемнәре билгеләнде
Россия Федерациясе Президенты Владимир Путин Җиңүнең 75 еллыгын бәйрәм итү уңаеннан 2020 елны Хәтер һәм Дан елы дип игълан итте. Шуны билгеләп үтәргә кирәк, Татарстанның эзтабарлар хәрәкәте Ватанны саклаганда һәлак булган сугышчылар истәлеген мәңгеләштерү эшенә, Россиянең эзтабарлар хәрәкәтен үстерүгә зур өлеш кертә. Татарстанның эзтабарлар хәрәкәтенең тәрбияви роле зур әһәмияткә ия, меңләгән яшь татарстанлы эзләнү отрядлары, хәрби-патриотик һәм хәрби-тарихи клублар мәктәбен узган. Мәсәлән, 3-7 июльдә Татарстан Республикасы Спас районының "Вертолет" утравында «эзләнү фронты»V эзтабарлар мәктәбе узды. Чараның максаты-катнашучылар тарафыннан эзләнү эшләрен үткәрүнең төп кагыйдәләрен үзләштерү өчен оптималь шартлар булдыру, шулай ук Россия Федерациясе субъектларының студентлар эзтабарлар отрядлары арасында координацияне булдыру һәм ныгыту. Быел укуларга Россия Федерациясенең 21 регионыннан 300 катнашучы килгән. Слет вакытында хәрби археология, анатомия, куркынычсызлык техникасы буенча лекцияләр һәм гамәли дәресләрне үз эченә алган интенсив укыту курсы узды.