Татарстанда «Наше время - Безнең заман» фестиваленең зона этапларына старт бирелде
5 октябрьдә Әлмәт шәһәренең «Нефтьче» мәдәният сараенда ТР Президенты Рөстәм Миңнеханов ярдәме белән ел саен үткәрелә торган «Наше время - Безнең заман» эшче яшьләр иҗаты ачык республика телевизион фестиваленең зона этапларына старт бирелде.
Ике көн дәвамында жюри конкурсантларның номерларын карады, ә икенче көн ахырында, 6 октябрьдә зона этабының гала-концерты узды, анда суперфиналның беренче катнашучылары игълан ителде.
Аннары зона сайлап алу турлары һәр ял көннәрендә - 12-13 октябрьдә – Зәйдә, 19-20 октябрьдә – Яр Чаллыда, 26-27 октябрьдә – Казанда узачак. Зона сайлап алу этабын уңышлы узган конкурсантлар 13-14 ноябрьдә Казанда узачак суперфиналда очрашачак. Гран-при ияләре һәм фестиваль җиңүчеләре 16 ноябрьдә «Пирамида»мәдәни-күңел ачу комплексында гала - концертта игълан ителәчәк.