Ринат Садыйков: «Без балалар лагерьлары һәм яшьләр үзәкләре ремонтын җентекләп күзәтәбез»

2019 елның 21 октябре, дүшәмбе

ТР Яшьләр эшләре министры урынбасары Ринат Садыйков бүген, 21 октябрьдә, эш сәфәре белән Бөгелмә, Түбән Кама, Яр Чаллы шәһәрләрендә булды.  Эш сәфәренең максаты – 2019 елгы «Җәй-балаларга» балалар һәм яшьләрнең ял һәм сәламәтләндерү учреждениеләрен капиталь ремонтлау, реконструкцияләү һәм төзү республика комплекслы программасы объектларын карау. Ринат Садыйков ремонт эшләренең барышы белән танышты, урыннарда җаваплы затлар – подрядчы оешмалар, район җитәкчеләре белән очрашты.