Казанда «Труд-крут» Бөтенроссия һөнәри осталык конкурсы башланды

2019 елның 22 октябре, сишәмбе

Бүген, 22 октябрьдә, Казан кабат кунакларны «Труд-крут»студентлар отрядларында катнашучылар арасында һөнәри осталык бөтенроссия конкурсы стартында каршы алды. Өч көн дәвамында Россиянең 46 регионыннан килгән командалар Россия Федерациясенең иң яхшы отряды исеме өчен үзара көч сынашачак.

Конкурс студентлар отрядлары хәрәкәтен үстерүгә, эшче һөнәрләрнең абруен күтәрүгә, һөнәри компетенцияләрне арттыруга, яшьләр арасында эшче һөнәрләрнең һәм хезмәтне саклау культурасының уңай имиджын булдыруга юнәлтелгән.

Ярышлар биш төп юнәлеш буенча узачак: төзелеш, педагогика, медицина, сервис һәм пассажир вагонын проводниклар арасында.