«Россия доброволецы – 2020» Бөтенроссия конкурсының гаризалар кабул итү кампаниясе старт алды

2020 елның 5 марты, пәнҗешәмбе

3 мартта «Россия – мөмкинлекләр иле» Президент платформасы проектларының берсе – «Россия доброволецы – 2020» Бөтенроссия конкурсының гаризалар кабул итү кампаниясе старт алды. Яңа сезонда грант фондының гомуми күләме 90 млн сум тәшкил итәчәк, ә номинацияләр саны 14 кә кадәр арткан.

Ел саен конкурста волонтерлык һәм социаль инициативаларның меңләгән авторлары катнаша – 2017 елда – 1,6 мең гариза, 2018 елда – 15 839 проект (ун тапкыр күбрәк), 2019 елда-28 144 инициатива. Конкурс әйдәп баручы экспертларда белем алу, үз проектының яңа үсеш дәрәҗәсенә чыгу, фикердәшләр һәм партнерлар табу, инициативаны федераль дәрәҗәгә тарату мөмкинлеге бирә.

Конкурска портал аша теркәлергә мөмкин DOBRO.RU