5-8 март көннәрендә «Идел» яшьләр үзәгендә ТР Студентлар отрядлары активының республика мәктәбе узды. Студентлар һәм мәктәп хезмәт отрядларының яшь җитәкчеләре, студентлар активы вәкилләре лидерлык күнекмәләрен, һөнәри һәм социаль-хокукый компетенцияләрне арттыру өчен җыелдылар. Дүрт көн дәвамында мәктәптә катнашучылар белем багажын тулыландырдылар һәм бик күп файдалы мәгълүмат алдылар.