Яшьләр эшләре министрлыгы "Яшь гаилә үрнәгендә яшьләрнең социаль хәле" дигән тикшеренү үткәрде
Яшь гаиләләр белән эшләүдә Татарстан Республикасы Яшьләр эшләре буенча министрлыгы социологик тикшеренүләр нәтиҗәләренә таяна. Татарстанның 18-30 яшьлек 150 яшь гаиләсе катнашкан сынау тикшеренүләре нәтиҗәләре алдагы көнне билгеле булды.
Тикшеренүләрнең фәнни җитәкчеләре – Раушания Зинурова һәм Андрей Тузиков-социология фәннәре докторлары, профессорлар. Аларны өйрәнү предметы кризис күренешләре һәм иҗтимагый трансформация контекстында яшь кешеләрнең социаль хәле булды.
Сораштырылучыларның 60% тан аз гына кимрәк балалары бар, 50% тан артык яшь гаиләнең бала тууны планлаштыра. Димәк, яшь гаиләләр беренче генә түгел, ә аннан соңгы балалар тууга да әзер. Табыш дәрәҗәсе турында сөйләсәк, респондентларның күпчелеге кирәкле кием-салым (71,1%) һәм азык-төлек (77,5%) сатып алу өчен җитәрлек, әмма эре сатып алулар өчен җитәрлек түгел, дип билгеләп үтте. Сораштырылучыларның 33,1% ы – фатир, 22,5% ы – бакча участогы, 47,9% ы автомобиль сатып алуны мөмкин дип саный. Сораштырылучыларның яртысы гына алар өчен туры килә торган эшкә ия булу белән бәйле.