«100% Татарстан»: яшьләр өчен мөмкинлекләр турында Александр Бугаев һәм Дамир Фәттахов сөйләделәр
1 сентябрьдә, Белем көнендә, «100% Татарстан» онлайн-форум платформасында яшьләр эшләре буенча Федераль агентлык җитәкчесе Александр Бугаев һәм ТР Яшьләр эшләре буенча министры Дамир Фәттахов белән очрашу узды.
Эфир барышында Дамир Фәттахов үзенең тормыш юлы һәм хәзерге вакытта Татарстанда Яшьләр үсеше өчен нинди мөмкинлекләр булуы турында сөйләде. Министр шулай ук киләчәктә республикада яшьләр киңлекләрен булдыру идеяләре белән дә уртаклашты.
«Безнең республика яңа трендлар сала. Сүз дә юк, яшьләр сәясәте системасында яшьләргә социаль ярдәм күрсәтү аеруча зур әһәмияткә ия. Президент Карары белән быел 6 мең студент транспорт чыгымнарын каплауга транспорт грантын ала алды. Иң кискен социаль мәсьәләләрнең берсе – торак шартларын яхшырту. Татарстанның яшьләр проектлары һәм программалары лидерлары һәм активистлары студентлар лигасының социаль ипотека программасы буенча торак алу конкурсында катнаша ала. Быел социаль ипотека программасында «яшь гаилә» категориясе барлыкка килде, – дип билгеләп үтте Дамир Фәттахов.
Шулай ук «100% Татарстан» коммуникация платформасында Росмолодежь җитәкчесе Александр Бугаев белән әңгәмә узды. Форумда катнашучылар аның яшьләр сәясәте инфраструктурасы, тармак белгечләрен кадрлар әзерләү, форум кампаниясе һәм Россия Яшьләр эшләре, спорт һәм туризм буенча Федераль агентлыкның яшьләр инициативаларын грантлау конкурсы, шулай ук яшьләр сәясәте турында закон кабул итү мәсьәләсе турында сораштылар.
Александр Бугаев уку елы башлану белән барлык укучыларны һәм студентларны котлады: «Кече Ватанны, үзегезнең төбәгегезне, республиканы, сез яшәгән өлкәне яратырга һәм, әлбәттә, безнең күп милләтле һәм күпконфессияле илебезне дә яратырга телим сезгә!» ,- диде ул.
Көн дәвамында коммуникацион платформада 2020 елда яшьләр сәясәте өлкәсендәге вакыйгаларга интерактив күзәтү, «Яшьләр вакыты» һәм «Кайтам» кебек проектлар турында сөйләүне тыңларга, шулай ук җиңү өчен кирәкле лайфхаклар белән бүлешкән грант конкурсларында җиңүчеләрне тыңларга мөмкин иде.
Моннан тыш, чыгышлар TED һәм интеллектуаль-күңел ачу уены «Квиз, Плиз!» форматында узды.
Исегезгә төшерәбез, 30 августтан 10 сентябрьгә кадәр «100% Татарстан» платформасында панель дискуссияләр, мастер-класслар һәм республиканың уңышка ирешкән һәм тәҗрибәсе булган юнәлешләр һәм тармаклар буенча лекцияләр уза.
Онлайн-киңлек программасы 21 юнәлеш буенча 300 дән артык сессияне үз эченә ала: IT-индустрия, мәгариф, медицина, авыл хуҗалыгы, туризм, циркуляр икътисад, инвестицияләр һәм эшмәкәрлек, биотехнологияләр һ.б. чара кысаларында онлайн-митаплар, экспертлар белән интервьюлар.
«100% Татарстан» онлайн-студиясенең өзлексез эшләве экспертларга сораулар бирергә һәм реаль вакыт режимында оператив рәвештә җаваплар алырга мөмкинлек бирә. Бөтен дөньядан катнашучылар яшәү урынына һәм эшчәнлек төренә карамастан кушылалар.
Форумның программасын карагыз һәм үзегезгә кызыклы булган программаны карарга төрле вакытта кушылыгыз: https://100tatarstan.com/