Яшьләр министрлыгында фәнни-методик совет утырышы узды
Кичә Татарстан Республикасы Яшьләр эшләре буенча министрлыгы каршындагы Фәнни-методик советның чираттагы утырышы узды. Чара Россия Федерациясе Федераль Собраниесе Дәүләт Думасы депутаты, сәяси фәннәр кандидаты Марат Бариев рәислегендә узды.
Утырыш барышында «Яшьләр һәм Татарстан Республикасында яшьләр сәясәтен гамәлгә ашыру турында» доклады турында фикер алыштылар, шулай ук «Яшьләр Глобаль көн тәртибендә. Яшьләр сәясәте: дөнья һәм региональ тәҗрибә» конгрессы турында сөйләштеләр. ТР Яшьләр эшләре буенча министрының беренче урынбасары Тимур Сөләйманов билгеләп үткәнчә, документ яшьләр сәясәте өлкәсенең тар профильле белгечләре, галимнәре, яшь галимнәре өчен генә түгел, министрлык һәм ведомстволардан, иҗтимагый оешмалардан ведомстволар арасында алып барылган эш буенча да коллегалар өчен дә файдалы булачак.
Марат Бариев сүзләренә караганда, конгресс үткәрүнең төп максаты – алдынгы халыкара тәҗрибәләрне өйрәнү. Ул конгресс киләсе елларда республикада барлыкка килә торган иң перспективалы эшләнмәләрне һәм проектларны тәкъдим итәргә мөмкин булган мәйданчыкка әверелер дип ышана.
Фикер алышу кысаларында докладның мөһим пункты булып республикада яшьләр сәясәтен гамәлгә ашыру тәҗрибәсен анализлауга багышланган бүлек булырга тиешлеге аерым билгеләп үтелде. Доклад өстендә эш бу елда тәмамланырга, ә эш үзе киң аудиториягә тәкъдим ителергә тиеш дигән карар кылылды.
Исегезгә төшерәбез, Татарстан Яшьләр эшләре буенча министрлыгы каршындагы Фәнни-методик совет 2019 ел башында оешкан иде. Аның составына Татарстанның җиде алдынгы югары уку йорты һәм фәнни учреждениесе вәкилләре кергән 21 галим һәм практик керде.