Татарстан студентлары: «Сезнең кебек буласыбыз килә дип күпләр әйтәләр»
Дүшәмбе, 21 сентябрьдә, Казанда Илкүләм студентлар клублары лигасының Бөтенроссия слеты старт алды.
Слет программасы мәдәни, ял һәм эшлекле мәсьәләләргә багышланган модульләр принцибы буенча оештырылган иде.
Студентлар клубларының барлык лидерлары өчен мастер-класслар, практикумнар, көн очрашулары һәм эшлекле уеннар каралган иде. «Общение с Talk’ом» проекты программада аерым урны алып торды. Аның кысаларында катнашучылар үзләрен кызыксындырган темаларга фикер алышты.
НЛСК кысаларында шулай ук «Студентлар инициативалары», «Иреклелек», «Социаль лифтларны үстерү», «Иҗади яшьләр инициативалары», «Патриотик тәрбия», «Спорт, сәламәт яшәү рәвеше, туризм», «Яшьләр арасында тискәре күренешләрне профилактикалау һәм милләтара хезмәттәшлек», «Гаилә кыйммәтләрен ныгыту», «Яшьләр медиасы» номинацияләре буенча Яшьләр проектларының Бөтенроссия конкурсы уза. Җиңүче проектларга акчалата ярдәм 500 000 сумга кадәр булачак.
Әйтик, КФУның Экология институтының беренче курс студенты Максим Антонов экспертларга «Чистые игры» экологик проектын тәкъдим итте. Проект гадәти булмаган форматтагы өмәләр – экологик бәйрәмнәр һәм эко-квестлар үткәрүне күздә тота. Катнашучылар командаларга бүленеп, чүп җыю һәм сортировкалау буенча ярыша. Ә иң яхшы командалар квест нәтиҗәләре буенча партнерлардан призлар белән бүләкләнә.
«Бүген мин проектны слет кысаларында грант конкурсында якладым, без яңа концепцияне кабул иттек, анда уенның бер өлеше – экологик күршелек территориясе. Безгә Казан янында урнашкан Дәрвишләр, Константиновкада яшәүчеләр мөрәҗәгать итте. Аларга экоактивистлар кирәк», – дип сөйләде Максим.
Катнашучының сүзләре буенча, гадәти булмаган форматта өмә үткәрүне балалар сораганнар.
«Без чүп-чарны җыештырып кына калмыйбыз, ә җирле халык өчен мастер-класслар үткәрәбез. Программабыз калдыкларны аерым җыярга өйрәтәчәк», – дип өстәде Максим.
Шулай ук студент слетта үз сәләтләрен камилләштерүе, яңа белем туплаганы һәм дуслар табуы турында сөйләде.
Татарстанның тагын бер вәкиле – КНИТУ студенты, «Татарстан Республикасы Студентлар лигасы» яшьләр иҗтимагый оешмасының мәгълүмати үсеш комиссиясе җитәкчесе Рахмат Хәлилов. Ул «ТР медиа студентлар үзәге» проекты белән чыгыш ясады.
Проект Татарстан Республикасы югары уку йортларының һәм һөнәри белем бирү оешмаларының яшь «Медийщиклар» үзәге булдыруны күздә тота.
«Мин медиакоманда эчендә эшне ничек оештырырга, медиаүзәк нәрсә ул һ. б. турында сөйләгән видеокурс булдырырга тәкъдим итәм. Бүген фотога төшерергә өйрәтүче мәктәпләр бик күп, әмма бу эшне ничек җайга салырга, медиапланлаштыруны ничек төзергә өйрәтүче проектлар бик аз. Мин моны онлайн-форматта тормышка ашырырга тәкъдим итәм»,– дип сөйләде Рахмат.
Студент шулай ук аның проекты белән Кырым Республикасы коллегалары кызыксынды, ә Татарстан делегациясенә игътибар үзәгенә эләкте, дип билгеләп үтте.
«Безнең делегация бердәм. Бу бик шәп. Без беребезне белми дә алырга мөмкин, әмма беренче көн ахырына инде дуслашып бетәбез. Катнашучылар да безнең һәрвакыт бергә булуыбызны сизә. Ә күпләр хәтта без татарстанлылар кебек булырга телибез, диләр", – дип сөйләде Рахмат.
Слет 27 сентябрьдә тәмамланачак. Ябылу кысаларында Бөтенроссия яшьләр проектлары конкурсына йомгак ясалачак. Иң якты һәм харизматик катнашучылар «НЛСК Амбассадоры»дигән мактаулы статус белән бүләкләнәчәк. Яшьләргә масштаблы чаралар үткәрергә һәм Россия студентлар клублары хәрәкәтен үстерергә кирәк булачак.
Студентлар клубларының Милли Лигасы – «Мәгариф» милли проекты кысаларында Россия Федерациясе Президенты Указы бурычларын хәл итүгә юнәлдерелгән «Социаль активлык» федераль проектында оештырыла торган эко-тирәлек.
Бөтенроссия слетын оештыручылар – Яшьләр эшләре буенча Федераль агентлык һәм ТР Хөкүмәте. Форумны оештыру һәм үткәрү өчен Ресурс Яшьләр Үзәге, ТР Яшьләр эшләре министрлыгы, Казан дәүләт энергетика университеты.