«Россия иреклесе» бәйгесендә катнашучы проеклар өчен тавыш бирү башланды

2020 елның 20 октябре, сишәмбе

Сишәмбе, 20 октябрьдә, «Россия – мөмкинлекләр иле» Президент платформасы проектларының берсе – «Россия иреклесе – 2020» Бөтенроссия волонтерлык инициативалары бәйгесе кысаларында проектлар өчен тавыш бирү башланды.

Тавыш бирү -  бәйгенең соңгы этабының мөһим өлеше, аның нәтиҗәләре җиңүчеләрне билгеләгәндә исәпкә алына.

Иң яхшы проектлар өчен тавыш бирүдә Россия төбәкләрендә яшәгән һәркем катанаша ала.  Тавыш бирү 13 ноябрьдә 23:59 (Мәскәү вакыты буенча) тәмамлана.

Проектларның юнәлешләре:

• «Сәнгать белән илһамланган», мәдәни темага  юнәлдерелгән проектлар;
• «Тирә-ягымда», шәһәр һәм авылларны төзекләндерүнең гадәти булмаган, әмма нәтиҗәле вариантлары, шулай ук экологияне саклау;
• «Волонтер сөйли», социаль челтәрләр һәм медиа ярдәмендә контентны яхшырту һәм волонтерлыкны популярлаштыру буенча проектлар;
• «Изгелек», батырлык дип атарга мөмкин булган кешеләрнең тормыш тарихлары;
• «Кече Ватан», зур булмаган торак пунктларда социаль проблемаларны хәл итү;
• «Күңел белән яшь», өлкән кешеләрнең тормыш дәрәҗәсен яхшырту һәм «көмеш» волонтерлыкны үстерү буенча проектлар өчен номинация;
• «Йөрәк белән саклап», монда медицина ярдәменең сыйфатын күтәрү һәм донорлык турында проектларга ярдәм итәргә мөмкин;
• «Иреклеләр хәрәкәтен оештыручы», проектларны иреклеләр проектлары җитәкчеләре, коммерциячел булмаган оешмалар һәм волонтерлар берләшмәсен формалаштыручылар тәкъдим итә;
• «Балаларга ярдәм», инициативалар авторлары бу номинациядә балаларны тәрбияләү һәм укыту, шул исәптән авыр тормыш шартларында да, проектлар тәкъдим иттеләр;
• «Хайваннарга ярдәм», хайваннар хокукларын яклауга юнәлдерелгән проектлар;
• «Мөмкинлекләр тигезлеге»,  катлаулы тормыш ситуациясен үзләре генә хәл итеп калмыйча, башкаларга да ярдәм итүче көчле кешеләрнең инициативалары;
• «Туганнар ярдәм итә», халыкның иң аз якланган катламнарына ярдәм итүче проектлар номинациясе;
• «Кыю йөрәк», куркынычсызлык турында белемнәрне арттыруга багышланган проектлар;
• «Киләчәккә ышанучылар», тарихи хәтерне саклау, Ветераннар турында кайгырту һәм патриотизмны үстерүгә багышланган проектлар.

DOBRO.RU порталында жюриның тулы составы һәм бәйгедә  катнашучы проектлар белән танышырга мөмкин, тавышны әлеге сылтама аша бирергә була:  https://dobro.ru/vote.

«Россия иреклесе – 2020» бәйгесе җиңүчеләренең исемнәре 5 декабрьдә Иреклеләр көнендә билгеле булачак.