Казанда Татарстан Республикасының яшь гражданнары форумы узачак
22-24 декабрьдә «Идел» яшьләр үзәгендә республиканың 200 балалар хәрәкәте вәкиле җыелачак һәм Татарстанның яшь гражданнары VIII форумы кысаларында республика үсеше өчен үз идеяләрен һәм проектларын тәкъдим итәчәкләр. Форум офлайн һәм онлайн форматта оештырылачак.
Бу көннәрдә онлайн-платформада балалар хәрәкәте җитәкчеләре һәм республика активистлары өчен белем бирү программасы оештырылачак, аның кысаларында һәркем үз идеяләре турында сөйли алачак.
Әлеге форумга республиканың барлык районнары вәкилләре чакырылачак. Шулай ук конкурс нигезендә сайланып алынган иң отышлы мөһим идеяләр һәм проектлар тәкъдим иткән 100 вәкил офлайн форматта катнашу өчен чакырыла.
Форумда Татарстан Республикасы балалар хәрәкәте активистлары һәм 11-17 яшьләрдәге теләгән һәр кеше, балалар хәрәкәте җитәкчеләре һәм педагоглар катнаша ала.
ТР яшь гражданнарының VIII форумына теркәлү 12 декабрьгә кадәр детитатарстана.рф сайтында дәвам итәчәк.
Форум яшь гражданнарның Татарстан Республикасының яшьләр сәясәтен формалаштыруда һәм тормышка ашыруда актив катнашуы өчен шартлар тудыруга, балалар һәм яшүсмерләр проблемаларын ачыклау һәм хәл итүгә, шулай ук балалар инициативаларына ярдәм итүгә юнәлдерелгән.
Форумның төп документы - Резолюция, аңа киләсе ике елга Татарстан Республикасында балалар хәрәкәтен үстерү буенча иң яхшы идеяләр һәм проектлар керәчәк.
Форумның онлайн форматында 11-17 яшьлек Республика балалар хәрәкәтенең 800дән артык активисты катнашачак.
Моннан тыш, «Балалар хәрәкәтен үстерү» секциясе кысаларында балалар һәм яшьләр иҗтимагый берләшмәләре җитәкчеләре, белем бирү оешмалары педагог-оештыручылары, яшүсмерләр клублары һәм өстәмә белем бирү үзәкләре белгечләре, Татарстан Республикасы балалар иҗтимагый хәрәкәтен үстерү буенча методистлар һәм кураторлары өчен онлайн-программа оештырылачак.