Иван Ургант Россия Укучылары хәрәкәтенең «Балачак навигаторы» булырга дигән тәкъдим кабул итте
3 февральдә Россия мәктәп укучылары хәрәкәте Инстаграм социаль челтәре аккаунтында танылган телетапшырулар алып баручы, актер Иван Ургантка бер көнгә үзен мәктәпләрдә балалар берләшмәләре белән эшләү һәм тәрбия буенча директор киңәшчесе ролендә сынап карау тәкъдиме белән мөрәҗәгать итте. Икенче көнне алып баручы «Кичке Ургант» чыгарылышында үз җавабын бирде.
Тапшыру барышында Иван Ургант бу чакыруны шатланып кабул итүен һәм тәрбия эшләре буенча киңәшче булырга әзер булуын билгеләп үтте. Әмма аның таланты шулкадәр көчле ки, киңәшче булып карау өчен аңа бер көн үк кирәк тә булмаячак. Ул бер минутка, әмма иң дөрес вакытта , иң дөрес урында - Беренче каналдагы тамашада - тәрбияче киңәшчесе булып карады.
«Китаплар укыгыз, үзегезне тыңлагыз, ата-аналарыгыз сезнең белән горурлансыннар өчен барысын да эшләгез, ялган сөйләмәгез, олылар булып, Россия мәктәп укучылары хәрәкәте Координацион советы әгъзалары чит балаларны да яраткан кебек, үз балаларыгызны яратыгыз!» - дип илебезнең барлык укучыларына киңәш бирде Иван Ургант.
Исегезгә төшерәбез, 2021 елның 22 гыйнварында ТАССта узган матбугат конференциясендә «Балачак навигаторлары» конкурсына старт бирелде, анда катнашучылар мәктәпләрдәге балалар берләшмәләре белән эшләү һәм тәрбия буенча директор киңәшчесе вазыйфаларына дәгъва кылачак. Мондый яңа вазыйфалар 2021 елның 1 мартыннан Россиянең 10 төбәгендә пилот вариантында гомуми белем бирү учреждениеләренең штат расписаниесенә кертеләчәк. Конкурс Россия мәктәп укучылары хәрәкәте тарафыннан Россия Федерациясе Мәгариф министрлыгы ярдәме белән тормышка ашырыла.
«Артек» яшьләр үзәге, Россия мәгариф академиясенең балачак, гаилә һәм тәрбия институты һәм А. И. Герцен исемендәге Россия дәүләт педагогика университеты программаны тормышка ашыру кысаларында Россия мәктәп укучылары хәрәкәтенең партнерлары булачак.
Укыту программасының көндезге өлеше «Артек» та узачак, анда дәресләр барышында программада катнашучылар балалар лагереның тәрбия эшчәнлегенең күп кенә традицион һәм заманча форматларын өйрәнәчәкләр. Аларны мәктәп шартларында да уңышлы кулланырга мөмкин.
Мәгълүмати белешмә:
«Россия мәктәп укучылары хәрәкәте» гомумроссия иҗтимагый-дәүләт балалар-яшүсмерләр оешмасы РФ Президенты Владимир Путин Указы белән 2015 елның 29 октябрендә оештырылды. Оешманың максаты - үсеп килүче буынны тәрбияләү өлкәсендә дәүләт сәясәтен камилләштерү һәм Россия җәмгыятенә хас булган кыйммәтләр системасы нигезендә шәхес формалаштыруга ярдәм итү.
Хәзерге вакытта Россия мәктәп укучылары хәрәкәте Россия Федерациясенең 85 субъектыннан 500 меңнән артык бала һәм 19 000 белем бирү учреждениесен берләштерә, 4 юнәлеш һәм 9 эшчәнлек юнәлеше һәм 40тан артык федераль проект һәм төрле юнәлештәге конкурслар. Мәсәлән, экология, иреклелек, медиа, спорт, музей эше, фән, дизайн, үзидарә, туган якны өйрәнү. Аларның өчесе «Мәгариф» милли проектына керә. Россия укучылар хәрәкәтенең яңа проектлары арасында киберспорт буенча РДШ Кубогы, «Мәктәптә Шеф», «Ил буенча Эко-дежурный» кебек проектлар эшләп килә. РДШ үз-үзен изоляцияләү чорында 19 онлайн проект булдырган, алар 453 000 кешене үз эченә алган.