Питрәч районында Бөтенроссия тарихи реконструкция фестивале «Элбэдэн» хәрби уеннары узачак
Фестиваль алдыннан «Татар-информ» мәгълүмат агентлыгында пресс-конференция узды, анда проектның төп оештыручылары һәм авторлары катнашты. Татарстан Республикасы Яшьләр эшләре министры урынбасары Алла Андреевна республикада патриотик тәрбия бирүгә зур әһәмият бирелүен билгеләп үтте. «Хәзерге шартларда без яшьләр белән эшләүнең интерактив ысулларын табарга тырышабыз.Шундый формаларның берсе-хәрби-тарихи реконструкция.Яшь егетләр ата-бабаларыбызның героик батырлыклары атмосферасына чумалар. Алар җанлы тарихка кереп, Бөек Ватан сугышы чорларын өйрәнүгә җәлеп ителәләр, Кызыл Армия солдатлары коралларын, формасын һәм көнкүрешен өйрәнәләр. Бу яшьләрне урам һәм интернетның тискәре йогынтыларыннан аеру гына түгел, ә аларны үз гаиләңнең һәм илеңнең тарихын өйрәнүгә этәрү мөмкинлеге бирә», - дип сөйләде Кондратьева. Ул бу чараның районкүләм, республикакүләм һәм федераль дәрәҗәдә үтәчәгенә басым ясады. «Элбэдэн» хәрби уеннары Бөтенроссия тарихи реконструкция фестивале «2019-2025 елларга Татарстан Республикасы яшьләренә патриотик тәрбия бирү»ярдәмче программасы кысаларында гамәлгә ашырыла.
Шулай ук 2020 елда «Татарстан Республикасының Питрәч якташлыгы» иҗтимагый оешмасы Яшьләр эшләре буенча Федераль агентлыкның (Росмолодежь) грант конкурсында Россия Федерациясе гражданнарына патриотик тәрбия бирүгә ярдәм итү буенча чаралар үткәрүгә коммерцияле булмаган оешмалар арасында 3 100 000 сум откан.
Питрәч муниципаль районы Башкарма комитеты җитәкчесе Альберт Валерий улы Хәбибуллин бәйрәмгә Республикада яшәүчеләрне чакырды һәм аның Советлар Союзы герое Петр Михайлович Гавриловның туган җирендә өченче тапкыр үтүен билгеләп үтте. Ул шулай ук якташларыбызның батырлыгын онытмаска кирәклегенә басым ясады.
Питрәч районы җитәкчелеге фикеренчә, реконструкция үткәндәге вакыйгалар турында истәлекләрне саклап калуның уникаль ысулы булып тора. «Бер генә күргәзмә дә аның тере буяулар һәм тавышлары булган хәрби-тарихи фестиваль кебек үз тарихына кагылышлы эффект тудыра алмый. Бу урында булганда гына чын хисләр кичереп яшәргә була», - дип уртаклашты Хәбибуллин.
Фестивальнең авторы Таҗиева Наилә Камил кызы билгеләп үткәнчә, фестиваль елдан-ел бөтен ил буенча популярлаша бара. Өч ел элек 150 артык реконструктор катнашкан, ә быел – Татарстан Республикасы һәм Россия шәһәрләре-Самара, Екатеринбург, Волгоград, Ульяновск, Йошкар – Ола, Воронеж, Чебоксар һәм башка шәһәрләрдән 36 хәрби-тарихи клублардан 300дән артык реконструктор катнаша. Күпсанлы бүләкләр дә моны раслый. Бүгенге көндә фестиваль Россиянең иң яхшы 200 вакыйгасы исемлегенә керә һәм «Тарихи юнәлештәге иң яхшы вакыйга» номинациясендә «Russian Event Awards» Милли премиясе лауреаты (2019 ел), «Бөек Ватан сугышында Җиңүнең 75 еллыгына багышланган иң яхшы вакыйга» номинациясе җиңүчесе (2020 ел), шулай ук «Туризм лидерлары» республика конкурсында «Ел ачышы» номинациясендә җиңүче (2019 ел).
Оештыручылар билгеләп үткәнчә, 2021 елгы фестивальнең кульминациясе өч реконструкция булачак. Бу – «Көнбатыш Буга елгасы вермахты гаскәрләре тарафыннан формалаштыру», «Брест крепосте. Вторжение» һәм « Брест крепосте. Әйләнеп кайту». Татарстан Республикасы Милли музееның реконструкция сценаристы, тарихи реконструкция бүлеге мөдире Владислав Вениаминович Хабаров сүзләренә караганда, форма, кирәк – яраклар, корал - болар барысы да фильмнарга һәм башка мәдәни-массакүләм чараларга караганда төгәлрәк күрсәтеләчәк.
Бөек Ватан сугышы вакыйгаларыннан тыш, Гавриловның «Тынычлыкны сакларга һәм Ватан чикләрен саклауга әзер булырга» дигән наказы буларак, фестивальдә десантчылар һәм парашютчылар чыгышы, шулай ук җайдакларның джигитовкасы да күрсәтеләчәк.
Фестиваль мәйданчыгында 10 тематик зона эшләячәк: сугыш еллары техникасы күргәзмәсе белән «Ретромобиль», 40 нчы еллар биюләренә өйрәтү белән «Рио-рита», Бөек Ватан сугышы чорлары госпитальләренең уникаль музей экспозициясе белән «Хәрби-кыр госпитале», РКК сугышчыларының кирәк-яракларын, коралларын, формаларын, бүләкләрен өйрәнү буенча квест-уен, СХП-тир, тарихчы-публицистлардан лекторий, П.М. Гаврилов музее эше, тематик концерт һәм спорт мәйданчыклары.
Шулай ук фестиваль кысаларында «Голос победы – Җиңү авазы» республика фестивале һәм яшьләр арасында хәрби-гамәли спорт төрләре буенча республика чемпионаты узачак. Фестиваль кунаклары өчен мастер-класслар, интерактив мәйданчыклар, сувенир лавкалар, фудкорт, фотозоналар әзерләнгән, «Восточный» автовокзалыннан яшәү өчен глэмпинг һәм транспорт җиһазландырылган.