Цифрлы икътисад: Татарстанда милли проектка кертү өчен яшьләрнең тәкъдимнәре турында фикер алышачаклар
Россия Президенты Владимир Путинның Федераль Җыенга юлламасы барышында дәүләт башлыгы һәр милли проектта яшьләрнең мәнфәгатьләрен чагылдырырга кушты.
21 июнь көнне Росмолодежь һәм «Милли приоритетлар» коммерцияле булмаган автоном оешмасы, Россиянең барлык милли проектларына кертү өчен, яшьләргә ярдәм итүгә юнәлдерелгән инициативалар җыюны башлап җибәрде.
Шулай ук илнең 14 төбәгендә ачык фикер алышулар узачак, алар нәтиҗәләре буенча конкрет инициативалар булдырылачак һәм яшьләр үзләре дә, мәгариф һәм мәдәнияттән башлап, фән һәм юл инфраструктурасына кадәр, төрле өлкәләрдә яшьләргә ярдәм итү программалары авторлары булачак. Татарстанга «Цифрлы икътисад»илкүләм проекты беркетелгән.
25 июньдә барлык теләүчеләр ачык фикер алышуларда катнаша ала. Очрашу ике мәйданчыкта узачак: Казан ИТ-паркында һәм Яр Чаллы шәһәрендә.
Очрашу ахырында ике шәһәр арасында телекүпер оештырылачак, анда катнашучылар үз идеяләрен җиткерәчәк.
Төркемнәрдә эш 14: 00 сәгатьтә башлана. Алдан теркәлү буенча керү:
- Казан: https://leader-id.ru/events/213990
- Яр Чаллы шәһәре: http://leader-id.ru/events/213989
Чараны ТР Яшьләр эшләре министрлыгы ТР Мәгълүмати технологияләр һәм элемтә Дәүләт идарәсенең Цифрлы үсеш министрлыгы белән берлектә оештыра.