Казанда «ЯРАТ» яшь әти-әниләр фестивале узачак
2021 елның 11 июль көнендә «ЯРАТ» яшь әти-әниләр фестивале узачак. Чара Горький-Әмәт урманы мәйданчыгында планлаштырыла.
Фестиваль программасында – лекторийлар, интерактив программа, иҗат коллективлары чыгышы, балалар һәм зурлар өчен уеннар. Фестиваль кунаклары өчен кызыксынулар буенча төрле мәйданчыклар һәм конкурслар каралган: әниләр мәктәбе, әниләр һәм балалар өчен ярминкә, коляскалар парады, гаилә өчен костюмнар парады, бию флешмобы һәм партнерлардан бүләкләр уйнату.
Чакыруларны сылтама буенча алырга мөмкин.
Фестивальне оештыручылар - Парклар һәм скверлар дирекциясе һәм Татарстан Республикасы Хөкүмәте ярдәме белән Татарстан Республикасы Яшьләр эшләре министрлыгы белән берлектә «МамаПати» командасы.
Исегезгә төшерәбез, «Ярат» яшь гаиләләр берләшмәсе узган елны «О-чаг» республика яшь гаиләләр форумы нәтиҗәләре буенча барлыкка килде.
Берләшмә - рәсми рәвештә гаилә буларак( 5 елдан кимрәк) теркәлгән яисә гаилә төзергә планлаштыручы яшьләр өчен ачык мәйданчык. Берләшмәнең максаты-яшь гаиләләрнең төрле мәсьәләләрен хәл иткәндә дәүләт һәм халык арасында конструктив әңгәмә булдыру.