Татарстанда студентлар отрядларының 58 еллыгын билгеләп үтәчәкләр
9 июль көнне Казан-1 Тимер юл вокзалында «Каршы ал безне, өченче хезмәтле» чарасы үтәчәк. Чара Татарстан Республикасында студентлар отрядларына старт бирелүгә 58 ел туу уңаеннан үткәреләчәк.
Очрашуны башлап җибәрү 14:45 сәгатьтә планлаштырылган,ул вакытта төрле елларда студентлар отрядларында катнашучыларның фотосурәтләре белән күргәзмә зонасын тәкъдим итү булачак. Буыннар очрашуында төрле еллар җитәкчеләре катнашачак.
Шулай ук әлеге чарага студентлар отрядлары турында «Кешеләр үзләрен төзи» һәм «Каршы ал безне, өченче хезмәтле» китапларын тәкъдим итү һәм «Тарих йөзләрдә» документаль фильмын карау оештырылачак.
Белешмә:
9 июль - студентлар отрядлары хәрәкәтенең күп кенә буыннары өчен истәлекле дата, чөнки Татарстан Республикасында студентлар хезмәт отрядлары мәктәбе аша хәрәкәтнең 58 еллыгы эчендә 600 меңнән артык кеше узды. 1963 елның 9 июлендә Казан инженер-төзелеш институтының 200 студенты Казахстанның Целиноград өлкәсенең Есильский районына чирәм җирләрне үзләштерүгә китә. Яшьләр өч совхоз - «Дальний», В.Маяковский исемендәге совхоз һәм «Октябрьнең 37 еллыгы» төзелешендә катнаштылар. «Октябрьнең 37 еллыгы» совхозында төзелеш отрядлары төзегән урам авыл Советы башкарма комитеты карары белән аны оештыручылар хөрмәтенә «Казан» дип аталды.