Мәгънәләр территориясе: Татарстан активистлары үз проектларын тормышка ашыру өчен 850 мең сум акча алдылар
«Мәгънәләр территориясе» Бөтенроссия яшьләр форумының «Буыннар тавышы» беренче сменасына нәтиҗәләр ясалды.
«Буыннар тавышы» беренче сменасының турыдан-туры форматында катнашучылар өчен Бөтенроссия яшьләр проектлары конкурсы узды. Катнашучылар тарафыннан 78 проект тәкъдим ителде. Ачык яклау нәтиҗәләре буенча гомуми суммасы 10 085 000 сум булган 22 проект – грант акчаларын бирүгә тәкъдим ителде.Җиңүчеләр арасында Татарстан активистлары Дмитрий Колесников һәм Анастасия Суханова бар.
Дмитрий Колесников «Drone team #Гренада» проектын тәкъдим итте һәм аны тормышка ашыру өчен 400 мең сум акча алды. «Drone team #Гренада» проекты «Дроннарда узыш» спорт юнәлешен үстерүгә юнәлдерелгән. Ял итү мәйданчыгы оештыру планлаштырыла, анда һәркем үзен узыш квадракоптеры пилоты ролендә сынап карый һәм укыту трассасын уза алачак. Беренче этапны узучылар арасыннан сайлап алу һәм 30 кешедән торган пилотлар командасын булдыру планлаштырыла. Проект командасы Яр Чаллы шәһәрендәге Гренада паркының узыш трассасында даими рәвештә шөгыльләнәчәк һәм бөтенроссия һәм округ ярышларына барачак. Укыту һәм практика нәтиҗәләре проектта катнашучылар белән күрсәтмә ярышларда күрсәтеләчәк.
Анастасия Суханова «Менталь тайпылышлары булган балалар һәм яшүсмерләр өчен робототехника һәм 3D-модельләштерү студиясе» проектын тәкъдим итте, грант суммасы 450 мең сум тәшкил итте. Проект кысаларында менталь тайпылышлары булган балалар һәм яшүсмерләр өчен робот техникасы буенча җиһазландырылган студиядә дәресләр оештыру планлаштырыла. Мондый алым укучыларга техника һәм IT-технологияләр белән эшләү потенциалын тормышка ашырырга, модельләштерү, Конструкцияләү һәм программалаштыру өлкәсендә белем һәм һөнәр алырга мөмкинлек бирәчәк.
Смена эшендә 1000 кеше катнашты: аларның 350се «Россия – мөмкинлекләр иле» Президент платформасының белем бирү үзәге – «Сенеж» идарә остаханәсендә булды, тагын 650се «Россия – мөмкинлекләр иле» цифрлы платформасы аша онлайн-форум эшенә кушылды.
2021 елда «Мәгънәләр территориясе» форумы биш тематик смена кабул итәчәк. Спикерлар булып, гадәттәгечә, сәясәтчеләр, тармак экспертлары, идарәчеләр һәм иҗтимагый фикер лидерлары булачак. Сменалар тематикасын тирәнрәк өйрәнү һәм проект командаларын формалаштыру өчен катнашучылар составы дисциплинарлык принцибы буенча формалашачак-бер смена кысаларында катнашучылар уртак һөнәри юнәлештәге балалар белән танышачак һәм эшләячәк.
Исегезгә төшерәбез, киләсе сменаларга гаризалар кабул итү дәвам итә. Тулырак мәгълүмат grants.myrosmol.ru сайтында.