Яшь уйлап табучыларны һәм рационализаторларны бәйгедә катнашырга чакыралар
«Татарстан Республикасының яшь уйлап табучылары һәм рационализаторлары» Республика бәйгесенә гаризалар кабул итү старт алды. Теркәлү 2021 елның 20 августына кадәр сузылачак.
Бәйгенең максаты - Татарстан Республикасы рационализаторлары һәм уйлап табучылары казанышларын пропагандалау юлы белән техник иҗатның абруен күтәрү, яшьләр арасында техник иҗатка кызыксыну формалаштыру, аралашу һәм тәҗрибә алмашу өчен мәйданчык булдыру, шулай ук Татарстан Республикасы предприятиеләре һәм оешмаларының яшь хезмәткәрләр техник иҗатын үстерү һәм стимуллаштыру.
Бәйгедә катнашучыны оешма яки предприятие җибәрә, моның өчен бәйге номинацияләре буенча сайлап алуны узарга, аннан соң рәсми сайтта теркәлергә кирәк. Анда 18 яшьтән 35 яшькә кадәрге яшьләр катнаша ала.
Бәйге 54 номинация буенча үткәрелә. Тулы исемлекне сайтта белергә мөмкин. Проектларның нәтиҗәләре узган елның 1 гыйнварыннан 31 декабренә кадәр билгеле булачак дип планлаштырыла. Бер техник карар бары тик бер номинациягә генә бирелергә мөмкин, ә зур икътисади нәтиҗәле техник карарларга өстенлек бирелә.