Татарстан яшьләрен мәдәни киңлекләрне үстерү буенча креатив идеяләр бәйгесендә катнашырга чакыралар
Мәдәни киңлекләрне үстерү буенча креатив идеяләр бәйгесенә гариза бирергә өлгер!Гаризалар 20 августка кадәр кабул ителә. Оештыручылар - Яшьләр эшләре буенча Федераль агентлык белән берлектә Россия Федерациясе Мәдәният министрлыгы.
Бәйгенең максаты-Россия Федерациясе субъектларында «Мәдәният» милли проекты программасы буенча төзелгән модель китапханәләр базасында киңлекләрне үстерүнең иң яхшы концепциясен билгеләү, шулай ук әлеге киңлекләрдә үткәрелергә мөмкин булган вакыйгалар (агарту чаралары, концертлар, иҗади очрашулар, мастер-класслар, театр куелышлары һ.б.) идеяләрен ачыклау.
Бәйгедә 18 яшьтән 35 яшькә кадәрге Россия Федерациясе гражданнары, яшь мәдәният, сәнгать һәм креатив индустрияләр хезмәткәрләре катнаша ала.
Бәйгедә катнашу өчен 20 августка кадәр белем бирү җыенына теркәлү узарга һәм «Таврида.АРТ» сайтында иҗади биремне үтәргә кирәк. Сайлап алуны уңышлы узган катнашучыларны 31 августтан 5 сентябрьгә кадәр узачак белем бирү җыенына чакырачаклар.
Катнашучылар йомгаклау проектларын фестиваль мәйданчыгында Бөтенроссия яшьләр проектлары конкурсы питчингында тәкъдим итәчәк.Питчинг нәтиҗәләре буенча иң яхшы 3 проект билгеләнәчәк, алар концепцияне гамәлгә ашыру өчен 1,5 млн.сумга кадәр грантлар алачак.