Татарстанда «Soft Skills Russia» Беренче Бөтенроссия чемпионаты узачак
22-25 августта Казанда «Восток» балалар-яшүсмерләр спорт мәктәбе базасында «Soft Skills Russia» Беренче Бөтенроссия чемпионаты узачак.
Чемпионатта урта һөнәри белем бирү учреждениеләреннән 160 студент катнашачак. Алар «Креативлык», «Эмоциональ интеллект», «Командада эшли белү», «Проектлы фикерләү» һәм «Коммуникабельлек» кебек биш һөнәри осталык буенча ярышачак.
Программада катнашучыларның Soft Skills буенча эчке ассессмент һәм шәхси биремнәр аша гамәли күнекмәләрен күрсәтү каралган.
Чемпионат нәтиҗәләре буенча номинацияләрдә беренче урыннарны алган биш җиңүче алга таба эшкә урнашу яки эшкә урнашу нияте турында килешүгә кул кую максаты белән Россиянең әйдәп баручы оешмалары буенча җиде көнлек эшлекле турда катнашачак.
«Чемпионат кульминацион вакыйга булып тора, аның кысаларында биш профессиональ компетенция буенча җиңүчеләр билгеләнә. Проект чараларында 420дән артык һөнәри белем бирү оешмаларыннан 2500 артык катнашучы катнашты. Ышанам , вакыт таләп ителә торган мондый ярышлар эшче һөнәрләргә карата кызыксыну уята, студентларның үз – үзләрен тормышка ашыру өчен платформа тудыра, һәм, әлбәттә, хезмәт кешесенә хөрмәт формалаштыра», - дип билгеләп үтте «Россия көллиятләр берлеге» җитәкчесе Антон Актуганов.
Чемпионатны оештыручылар-Россия Федерациясе Яшьләр эшләре буенча Федераль агентлык һәм мәгариф министрлыгы ярдәме белән «Көллиятләр хәрәкәте «Төбәк берләшмәсе» эшлекле күнекмәләрне үстерү үзәге.