Синең адым: Казанда Идел буе федераль округы студентлары өчен бөтенроссия конкурсының ярымфиналы старт алды
Бүген Казанда «Россия – мөмкинлекләр иле» президент платформасының «Синең адым» бөтенроссия студентлар конкурсының ярымфиналы старт алды.Анда Идел буе федераль округы төбәкләреннән 1500 кеше катнашты. Татарстан данын төрле уку йортларыннан 300 артык студент яклыячак. Эпидемиологик куркынычсызлык чаралары каралачак.
Чара 14 октябрьгә кадәр Идел буе дәүләт физик культура, спорт һәм туризм университетында үтәчәк.
Ачылу тантанасында Татарстан Республикасы Яшьләр эшләре министры урынбасары Алла Кондратьева һәм «Синең адым» бөтенроссия студентлар конкурсының программ директор урынбасары Ирина Потапенко катнашты.
«Башкалабызда һәркемне күрергә шатбыз. Татарстан күп кенә игътисади, мәдәни, спорт, фәнни һәм яшьләр форумнарын үткәрү урыны – сәләтле яшьләрне җәлеп итү үзәге булып тора.Безнең вузларда 210 меңнән артык кеше укый һәм, минем уйлавымча, сез ул атмосфераны тоярсыз һәм тотып кала алырсыз. Идел буе – сәләтле кешеләр булдыру урыны. Ышанабыз ки, сез моны федераль дәрәҗәдә исбат итәрсез. Әлеге конкурс сезнең хыялларыгызны чынга ашырыр дип ихластан өмет итәбез», - дип ассызыклады Алла Кондратьева.
Ярымфиналда студентлар эшлекле уенда катнашачаклар, ул аларның күнекмәләрен, сәләтләрен һәм осталыкларын күрсәтергә мөмкинлек бирәчәк.
«Мин һәр катнашучының үзе турында белдерүен, аны көндәлек томышында озата барган барлык стереотипларны ташлавын сорыйм. Чын-чынлап үзегез булып калырга, үз тарихыгызда яңа битне ачырга һәм әлеге программадан мөмкин кадәр күбрәк алырга тырышыгыз. Остазлар сезгә ярдәм итеп тору , сезнең өстенлекле якларыгызны күрү, җаваплы элемтә саклау яклы», – дип студентларга мөрәҗәгать итте Ирина Потапенко.
Ярымфиналчылар үзләре конкурсны үз хыялларын тормышка ашыру өчен мәйданчык итеп билгели.
«Синең адым» Бөтенроссия конкурсының ярымфиналлары илнең барлык федераль округларында турыдан-туры форматта узачак, аларда 10 мең студент катнашачак. Нәтиҗәләр 2021 елның ноябрь башында игълан ителәчәк. Катнашучылар нәтиҗәләрне твойход.онлайн платформасында шәхси кабинетларында белә алачаклар.
«Синең адым» Бөтенроссия конкурсы финалына (2021 елның 26-30 ноябре, Сочи) 1000 иң яхшы студент чыгачак. Нәтиҗәләр буенча 200 җиңүче аталачак, алар уку, стартап җибәрү яки торак шартларын яхшырту өчен 1 млн.сум күләмендә премия алачак.
«Синең адым» Бөтенроссия конкурсын оештыручылар – «Россия-мөмкинлекләр иле» АКБО һәм Россия Мәгариф һәм фән Министрлыгы һәм Яшьләр эшләре буенча Федераль агентлык (Росмолодежь) ярдәмендә студентлар клубларының Милли Лигасы. Региональ оештыручы булып Татарстан Яшьләр эшләре министрлыгы, шулай ук республика Хөкүмәте ярдәме белән ТР яшьләр үзәге тора. Конкурс яшьләрнең һөнәри компетенцияләрен, лидерлык сыйфатларын, иҗади һәм фәнни потенциалын үстерү максатыннан үткәрелә.
Студентлар өчен конкурсны уздыру инициативасы Россия Президенты, «Россия – мөмкинлекләр иле» АКБО Күзәтчелек советы рәисе Владимир Путин тарафыннан 2021 елның 26 мартында Күзәтчелек советының икенче утырышында хупланды.