Татарстан яшьләре «Яшьләр вакыты» Бөтенроссия премиясендә катнашырга чакырыла
«Яшьләр вакыты» Бөтенроссия Яшьләр казанышлары премиясенә гаризалар кабул итү кампаниясе ачылды. Гаризаны 15 ноябрьгә кадәр «АИС Молодежь России» платформасында бирергә мөмкин.
Премиянең максаты-яшьләр казанышларының бөтенроссия дәрәҗәсендә иҗтимагый танылу һәм яшьләр сәясәте өлкәсендә эшләүче иң яхшы яшь кешеләрне һәм һөнәри берләшмә вәкилләрен ачыклау. Чараны Яшьләр эшләре буенча Федераль агентлык (Росмолодежь) оештыра.
Гариза бирү өчен сигез номинация билгеләнгән: «Иң яхшылар вакыты», «Ачышлар вакыты», «Бергә булу вакыты», «Мөмкинлекләр вакыты», «Z буыны вакыты», «Яшьләр дусты», «Яшьләр урыны» һәм «Яшьләр тавышы».
Премия өч этапта узачак: гаризалар этабы 25 октябрьдән 15 ноябрьгә кадәр, бәяләү этабы 16 ноябрьдән 1 декабрьгә кадәр һәм финал этабы – 2021 елның декабрендә җиңүчеләрне бүләкләү тантанасы.
Гариза бирү ике этаптан тора - «Россия яшьләре» платформасында анкета-гариза тутыру, аннан соң иҗади биремне үтәү. Ул номинантның шәхес буларак үз карашыннан, төрле чаралардан һәм бүләкләрдән реаль фотосурәтләрдән, шулай ук үсеш юнәлешләрен чагылдыручы фантазия идеяләреннән гыйбарәт. Эшләр JPG, PNG яки PDF форматында кабул ителә.