Татарстан командалары «Белем лигасы» онлайн-викторинасында катнаштылар
«Белем лигасы» Бөтенроссия интеллектуаль онлайн-викторинасының 1 турының III сайлап алу уенына 1072 команда һәм 5000 артык катнашучы теркәлгән.
2 сәгать дәвамында чемпионатта катнашучылар Россиянең барлык почмакларыннан интерактив сорауларга һәм биремнәргә җавап бирделәр. Мәсәлән, уенчылар арасында Дагыстан Республикасының Буйнакск шәһәреннән, Сахалин өлкәсенең Оха шәһәреннән, Чечен Республикасының Червленная станицасыннан, Владимир өлкәсенең Гусь-Хрустальный шәһәреннән эрудитлар бар иде. Иң күп командалар Мәскәү, Санкт-Петербург, Уфа һәм Казан шәһәрләреннән иде.
«Белем лигасы» - иң киң аудиториягә исәпләнгән проект. Безнең интеллектуаль онлайн-викторинаны Камчаткадан алып Владивостокка кадәр уйныйлар һәм командалар саны арта гына бара. Өч сайлап алу уенында 2000нән артык команда, ә бу 10 000нән артык кеше дигән сүз. Без бөтен ил буенча киң карашлы кешеләрне берләштереп кенә калмыйбыз,ә яңа ял төре – интеллектуаль ял төре булдырабыз. Безнең уенга поездда яки махсус кафега баручы компанияләр дә кушыла. Теләсә нинди яшьтәге һәм һөнәр ияләре өчен вакытны файдалы итеп үткәрү, белемнәрен тикшерү, команда рухын тою һәм илебезнең актив интеллектуаль кешеләре мохитенә чуму мөмкинлеге ул», - дип билгеләп үтте «Белем» Россия җәмгыяте генераль директоры Максим Древаль.
Киләсе сайлап алу уены 6 ноябрьдә узачак. Викторинада катнашу өчен биш кешедән торган команда җыярга һәм сайтта теркәлергә кирәк. 20 ноябрьдә ярымфинал һәм 1 турның турыдан-туры финалы бу елның 6 декабрендә узачак.
«Лига» ның беренче сезоны ел дәвамында дәвам итәчәк һәм 2022 елның сентябрендә төгәлләнәчәк. Аның кысаларында 3 зур тур узачак, сайлап алу уеннары һәр ике атна саен онлайн узачак. Һәр турның финалы һәм сезонның гранд-финалы Мәскәүдә узачак.
Гранд-финалга шулай ук сезонлы сайлап алуны карап чыгарга мөмкин – моның өчен сезондагы «Яшерен уен»ның берсен отарга кирәк. Аны бер атна эчендә генә игълан итәчәкләр һәм биремнәр катлаулырак булачак, аның каравы җиңүче команда шунда ук Гранд – финалга чыгачак.