Татарстан яшьләре «Идел-Янцзы» форматындагы Россия-Кытай яшьләр форумында катнашачак
Татарстан яшьләре «Идел-Янцзы» форматындагы VII Россия-Кытай яшьләр форумында катнашачак. Чара 10-11 ноябрьдә видеоконференц-элемтә режимында узачак.
«Волга-Янцзы» Россия-Кытай хезмәттәшлеге форматы Россия Федерациясе Президенты йөкләмәсе кысаларында Россия белән Кытай арасында төбәкара дәрәҗәдә элемтәләрне алга таба ныгыту буенча гамәлгә ашырыла.
Форум концепциясе дүрт юнәлеш буенча эшне күз алдында тота: фән һәм инновацияләр, мәгариф, яшьләр эшкуарлыгы, туризм, мәдәният һәм сәнгать. Алар кысаларында тематик сессияләр узачак, чөнки уртак белем бирү проектларын һәм студентлар алмашуларын гамәлгә ашыру Россия-Кытай гуманитар хезмәттәшлегенең мөһим өлеше булып тора. Шулай ук ике илдән эш башлаучы эшмәкәрләр тәҗрибә уртаклаша һәм уртак бизнес-проектларны гамәлгә ашыру мөмкинлеге белән перспективалы юнәлешләр буенча фикер алыша алачаклар.
Вакыйга Россия-Кытай фәнни-техник һәм инновацион хезмәттәшлек елы программасының бер өлеше булып тора.