Авыл туризмының 70 гиды агротуризмны үстерү һәм алга этәрү механизмнарын өйрәнде
«Идел» яшьләр үзәгендә авыл туризмының беренче мәктәбе тәмамланды. Өч көн дәвамында эшкуарлар, шул исәптән КФХ башлыклары, туризм һәм сервис өлкәсе хезмәткәрләре, event-менеджерлар, кунакчыллык өлкәсендәге проектлар авторлары, шулай ук үз районының туристлык тармагын үстерергә теләгән 31 муниципаль районыннан башка вәкилләр укулар узды.
«Катнашучылар тәкъдим иткән авыл туризмы юнәлешләре спектры шаккатыра. Алар-үзләренең районында экскурсияләр үткәрә торган гидлар да, ат клубы җитәкчеләре, авыл җирлекләре башлыклары, үз авыл җирлекләрен үстерү белән кызыксынучылар да. Аларның барысын да күреп, планнарын тыңлап, якты киләчәккә ышанасы килә», - дип билгеләп үтте Саба районыннан мәктәп укучысы Тамчыгөл Вәлиева.
Мәктәп программасы авыл җирлегенә булган ихтыяҗларны һәм туристларның җәлеп итүчәнлеген ачыклауга юнәлтелгән чаралар – тематик лекцияләр, рольләргә бүленеп уйнаулар, авылларда проектларның нәтиҗәлелеген анализлау, төркем аудиты - болар барысы да республика муниципаль берәмлекләрендә кертү өчен районнарның үзенчәлекләрен исәпкә алып үткәрелә.
«Очрашуда авыл яшьләрен дә, безнең министрлыкны да борчыган күп кенә конкрет мәсьәләләр яңгырады. Менделеевск районының «Бидон» проекты аеруча истә калды. Балалар бөтен бер берләшмәне формалаштырдылар һәм табигатьтә ял итү өчен урын оештырдылар. Проект, туристлар агымын авыл җирлегенә җәлеп итеп, ел әйләнәсендә гамәлгә ашырыла», - дип билгеләде Тимур Сөләйманов.
Проект җитәкчесе Альберт Смирнов сүзләренә караганда, кунаклар өчен төрле тематикалы фотозоналар оештырылган, апидомиклы умарталык, мастер-класслар үткәрү өчен зона, җәяү һәм велосипедта йөрүләр, балык тоту урыннары, һ.б. каралган. Уңайлы өйләрдә дә, туристик палаткаларда да урнашырга мөмкин. Ә кышын барлык теләүчеләр крестьян (фермер) хуҗалыгы буенча экскурсия программасында катнаша, мастер-класска бара һәм соңыннан үлән чәе белән ләззәтләнә ала.
Шулай ук «Чикләрсез авыл туризмы гидларының серләре» онлайн-курсын тәкъдим итү узды. Анда Хорватия, Германия һәм авыл туризмы уңышлы үсеш алган башка илләрдән экспертлар катнашты.