Татарстан студенты «Ел студенты - 2021» милли премиясе Гран-приена лаек булды
Татарстан студенты Алия Әһлиуллина һөнәри белем бирү оешмалары арасында «Ел студенты - 2021» Россия милли премиясе Гран-прига лаек булды.
Бүген һөнәри белем бирү оешмалары арасында үтүче «Ел студенты» Россия милли премиясе җиңүчеләрен атадылар.
Өч көн дәвамында финалистлар 10 номинациядә иң яхшы исем алу өчен көч сынашты: «Ел профессионалы», «Ел укучылар советы рәисе», «Ел җәмәгатьчесе», «Ел старостасы», «Ел иҗади шәхесе», «Ел спортчысы», «Ел ирекле берләшмәсе», «Елның патриотик берләшмәсе», «Ел студентлар клубы», «Ел студентлар медиасы».
Чарада илнең 69 төбәгеннән 400 укучы катнашты. Татарстан барлык номинациядә дә билгеләнеп үтелде, ә дүрт номинациядә иң яхшысы дип табылды. Берничә көн дәвамында финалистлар онлайн-режимда бәйге ярышларын үттеләр: үзпрезентация, махсус тестлар, кейслар, дебат һәм рольле уеннар, ачык дәресләр.
Моннан тыш, аерым номинацияләр өчен чын-чынлап уникаль сынаулар тәкъдим ителде. Мәсәлән, «Укучылар советының иң яхшы рәисе» исеменә дәгъва кылучыларга «фэйл-конференция»дигән сынау узарга туры киләчәк. Ул үз иҗтимагый эшчәнлеге кысаларында үзенең тискәре тәҗрибәсен анализлаудан гыйбарәт.
Премия «Мәгариф» милли проектының «Һәркем өчен социаль лифт» федераль проекты кысаларында Яшьләр эшләре федераль агентлыгы мәгълүмати ярдәме белән тормышка ашырыла.
Җиңүчеләр исемлеге:
Коллектив номинации:
- «Елның иреклеләр берләшмәсе», җиңүче — «ЗМКНЫҢ тормыш пульсы», Яшел Үзән механика көллияте, Яшел Үзән шәһәре;
- «Ел студентлар медиасы», җиңүче — «Медиаүзәк МЦК-КТИТС», Казан мәгълүмати технологияләр һәм элемтә техникумының халыкара компетенцияләр үзәге, Казан шәһәре;
Индивидуаль номинацияләр:
- «Ел укучылар советы рәисе», ЛАУРЕАТ — Юлия Андрианова, Казан педагогия көллияте;
«Гран-при», Җиңүче — Алия Әһлиуллина, Казан дәүләт гадел хөкем университеты көллияте, Казан шәһәре.