15 һәм 16 декабрьдә Казанда республикакүләм яшьләр форумы үтә
15 һәм 16 декабрьләрдә Казанда Татарстан Республикасы милли китапханәсендә республикакүләм яшьләр форумы үтә.
Форумның почетлы кунаклары – премьер-министр урынбасары Ләйлә Фазлыева һәм Татарстан Республикасы Яшьләр эшләре министры Тимур Сөләйманов.
Чараның төп максаты: җирле проектлар һәм төрле юнәлештәге инициативалар үсеше өчен мөмкинлекләр тудыру. Мәсәлән, «LAMPA» стартапына нигез салучы эшмәкәрләр Донат Мөхәммәтшин һәм Динар Миргаязов финанс грамоталылыгы һәм инвестицияләр турында лекция белән чыгыш ясаячак. Киңлекләрне социомәдәни программалаштыру турында урбанист, «Кешеләр урын ясый» шәһәр үзгәрешләре остаханәсе идарәчесе Александр Старков сөйләячәк.
Метамодернның этик чынбарлыгы турында философ-эстетик фикер йөртә, ул В.И.Суриков исемендәге Мәскәү дәүләт академия сәнгать институтында заманча рәсем сәнгатен укытырга чакырылган. MAXART FOUNDION резиденциясенең даими укытучысы Алена Дятко. Киңлекнең брендын формалаштыру һәм аның тышкы позициясе турында территориаль үсеш продюсеры һәм «Co-op» директоры, «Шәһәрләрне үстерү фонды» эксперт советы әгъзасы, «Universal University» креатив индустрияләр университетында арт-резиденцияләр кураторы, «COLLAB» цифрлы платформасына нигез салучы Михаил Шатров сөйләячәк.
Яшүсмерләр өчен форумга актер, «Трудные подростки» сериалы актеры Виталий Андреев махсус чакырылган. 15 декабрь көнне 15.00.дән 16.00.гә кадәр һәр катнашучы актерга сериал төшерү, актерлык карьерасы турында сораулар бирә алачак. Шулай ук россиякүләм «Озын тәнәфес» конкурсы җиңүчеләре һәм остазлары белән очрашу булачак.