#ВКругуСемьи: Татарстанның яшьләр үзәкләре республика халкын Масленица бәйрәмен бергә билгеләп үтәргә чакыра

Татарстанның яшьләр үзәкләре #ВКругуСемьи акциясен башлап җибәрде - алар республика халкын гаиләсе һәм дуслары белән бергә ял көннәрен үткәрергә чакыра. 5-6 март көннәрендә урамда, республика районнары һәм шәһәрләренең яшьләр үзәкләрендә Масленица бәйрәме узачак.

«Хәзер бер-беребезгә ярдәм итү мөһим. Туганнарыңа һәм якыннарыңа булышырга, бергә булырга. Ял көннәрендә Татарстанның яшьләр үзәкләре, вакытларын бергә уздыру өчен, татарстан гаиләләре өчен ачык булачак», - дип билгеләп үтте Татарстан Республикасы яшьләр үзәге директоры урынбасары Кәдрия Бугрова.

Планлаштырылган чаралар афишасы белән Яшьләр эшләре министрлыгының һәм яшьләр үзәгенең социаль челтәрләрендә танышырга мөмкин.