Ринат Садыйков: «Балалар лагерьларына юлламалар өчен кешбэк программасы эше механизмы саклана»
«Узган ел балалар лагерьларына юлламалар өчен кешбэк программасы гражданнарга бик кирәкле булып чыкты. Программа эше барышында 2,3 мең лагерьга гомуми суммасы 10 млрд. сумны тәшкил иткән юлламалар сатылган. Кире кайтару саны 5 млрд. сумга якын булды.Татарстанлылар якынча 400 млн сум, 36 мең юлламаны кире кайтарган. Программа Россия Президенты Владимир Путиннан ярдәм алды һәм быел эшне яңадан башлап җибәрәчәк», - дип шәрехләде Татарстан Яшьләр эшләре министрының беренче урынбасары Ринат Садыйков.
Министр урынбасары сүзләренә караганда, балалар өчен кешбэк программасы кысаларында юлламалар сату 30-31 мартта башланачак. Эш механизмы саклана: ата – ана балага «Мир» картасы ярдәмендә балалар лагерына юллама сатып ала; биш көн дәвамында әлеге картага яңа сатып алынган юлламалар өчен тотылган акчаның 50% ы кире кайтарыла, әмма 20 мең сумнан да артмый; бер балага йөрү күләме чикләнми-сменаларның теләсә кайсы сменасына барырга була.
Кешбэк алу өчен һәр сәфәргә аерым транзакция үткәрергә кирәк; берничә балалы гаиләләр өчен сатып алынган юлламаның яртысын кире кайтарырга мөмкин булачак.