Татарстанның 40тан артык эзләнү отряды экспедицияләрдә катнашачак
Бүген «Татар-информ» мәгълүмат агентлыгында Татарстан Республикасының «Ватан «берләшмәсе» төбәк иҗтимагый яшьләр оешмасы һәм Бөтенроссия мәгълүмат-эзләнү үзәге эшчәнлегенә багышланган матбугат конференциясе узды.
Чарада ТР Яшьләр эшләре министры урынбасары Алла Кондратьева, «Ватан «берләшмәсе» РОО советы рәисе Александр Коноплев, «Ватан «берләшмәсе» РОО советы эшләре идарәчесе Илья Прокофьев, Бөтенроссия мәгълүмат-эзләнү үзәге белгече Рафыйк Сәлахиев катнашты.
«Ватан» берләшмәсе» безнең республиканың горурлыгы булып тора. Бу-буыннар дәвамчанлыгын яктырткан беренче тарихи вакыйга булып тора: биредә зур тәҗрибә туплаган остазлар, хәрәкәткә кушылучы яшьләр дә бар. Бу, чыннан да, тере берләшмә. «Ватан» базасында эзләү буенча эксперт базасы һәм мәгълүмати база булдырылды. Россиядә башка беркайда да яшьләр бу дәрәҗәдә эзләнү эшчәнлеген тормышка ашырырга өйрәтмиләр. Безнең экспертларны Бөтенроссия форматы чараларына чакыралар. Без моның белән чын күңелдән горурланабыз. Балалар тарихи хәтерне саклау буенча чын граждан бурычын үтиләр», - дип билгеләп үтте ТР Яшьләр эшләре министры урынбасары Алла Кондратьева.
Хәзерге вакытта берләшмә составында гомуми саны 1160 кеше булган 65 башлангыч оешма эшли. Аларга эзләнү отрядлары, республиканың хәрби-патриотик һәм хәрби-тарихи клублары керә.
Бөтенроссия мәгълүмат-эзләү үзәге белгече Рафыйк Сәлахиев «Солдат медальоннарының исемнәре» китабы турында сөйләп узды: «Бу эш 2005 елдан бирле алып барыла. Бүгенге көнгә бу китапның 10 томы басылып чыкты. Һәр томда якынча ике мең исем бар. Беренче томны бастырганда бөтен ил буенча нинди масштаблы эзләнү эше алып барылуын күрсәтәсе килә.
Эш зур ярдәм һәм үсеш мөмкинлеге алды. Без аны 2-3 ел саен чыгарабыз. Китап эзтабарларның шигырьләрен, эзтабарлар эшләре урыннарыннан фотосурәтләрне, исемлекләрне һәм солдатлар турында кыскача мәгълүматны үз эченә ала.
Китапта туган урын, хәрби хезмәткә чакырылу урыны, гаилә яшәгән адреслар, кем һәм кайчан табылганлыгы турында тулы мәгълүматлар, шулай ук солдатның кайда күмелгәнлеге турындагы мәгълүматларны ачыклау өчен туганнары кемгә мөрәҗәгать итә ала алулары турында белешмәләр бар.
2023 елда «Ватан «берләшмәсе»нең 30 еллыгына һәм Татарстанның «Снежный десант» эзтабарлар хәрәкәтенең 55 еллыгына багышланган 11нче томны әзерләү һәм бастырып чыгару планлаштырыла.
Эзләү отрядлары эшчәнлеге турында тулырак мәгълүматны оешманың социаль челтәрләрендә белергә мөмкин.