Талантлар буыны: МТС һәм ГИТИС Татарстанда сәләтле балалар эзли

26 һәм 27 апрельдә МТС, ГИТИС белән бергә, булачак абитуриентлар өчен онлайн-тыңлаулар оештыра.Тыңлаулар нәтиҗәсендә катнашучылар илнең иң зур театр югары уку йортының актерлык факультетына керү мөмкинлеге ала алалар.Яшәү урыныннан читкә чыкмыйча, республиканың өлкән сыйныф укучылары үзләрен ГИТИСта иҗади сынауларда сынап карый алачак.

Татарстан балалары өчен ГИТИСның онлайн-кабул итү бүлмәсе 26 һәм 27 апрельдә 11 сәгатьтән 19 сәгатькә кадәр zoom-конференция режимында эшләячәк. Башлангыч тыңлауларда театр уку йортына укырга керергә һәм тормышларын сәхнә һәм кино белән бәйләргә теләүче 15-18 яшьлек өлкән сыйныф укучылары һәм мәктәп тәмамлаучылар катнаша ала.Укырга керүчеләргә ГИТИС актерларының осталык кафедрасы өлкән укытучысы Екатерина Николаева бәя бирәчәк. Тыңлауларның иң талантлы катнашучылары Мәскәүдә укырга керү сынаулары этапларын узу өчен тәкъдим ителәчәкләр.

Онлайн-чарада катнашу өчен сылтама буенча теркәлергә һәм мәҗбүри программа әзерләргә - шигырь, мәсәл, чәчмә әсәрдән өзек укырга, җыр башкарырга кирәк. Һәр претендентка чыгыш ясарга 10 минут билгеләнәчәк.Проектта катнашу бушлай, катнашучылар саны чикләнгән.