ТР Яшьләр министрлыгы физик затлар өчен грантлар конкурсын башлап җибәрде
Бүгеннән 19 майга кадәр физик затлар арасында «Минем субсидияләр» мәгълүмати системасында физик затлар арасында Яшьләр эшләре министрлыгының грант конкурсына гаризалар кабул ителә. Грант конкурсы читтән торып уздырыла.
Быел конкурс 14 номинация буенча үткәрелә: Яшьләрнең иҗади инициативалары, Яшьләрнең сәламәт яшәү рәвешен алып бару инициативалары, Яшьләрнең туризм өлкәсенә ярдәм итү инициативалары, Патриотик тәрбия, Яшьләрнең иреклелек (волонтер) юнәлеше инициативалары,Яшьләр медиасы, Яшьләрнең фәнни инциативалары,Социаль эшмәкәрлек,Яшьләр мохитендә тискәре күренешләрне профилактикалау, Инвалидларга һәм мөмкинлекләре чикләнгән яшьләргә ярдәм итүгә юнәлдерелгән инициативалар, Гаилә кыйммәтләрен ныгыту, Карьера һәм үз-үзеңне һөнәри яктан күрсәтү, Мәдәниятара багланышлар һәм милләтара хезмәттәшлек, Яшьләргә психологик ярдәм күрсәтү механизмнарын үстерү.
«Әгәр сезнең идея һәм аны тормышка ашыру теләге бар икән, ярдәм, һичшиксез, табылачак. Шулай итеп, физик затлар өчен «Росмолодежь» грантларының федераль конкурсына иң күп гариза саны Татарстаннан бирелгән. Шуңа күрә безнең республика грантлары конкурсы-яшьләр өчен бик кирәкле ярдәм чарасы. Ышанам, быел социаль, иҗади һәм профессиональ тормышка ашыру белән бәйле яңа инициативалар күп булыр. Проектларның иң яхшылары акчалата грантлар белән бүләкләнәчәк. Катнашучылар 300 мең сумга кадәр акча ала алачак», - дип билгеләп үтә ТР Яшьләр эшләре министры Тимур Сөләйманов. Министр ассызыклаганча, акчалата ярдәм булуга карамастан, министрлык барлык проектларны гамәлгә ашыру өчен шартлар тудырырга тырышачак.
Бүген 15: 00 сәгатьтә «ВКонтакте» төркемендә турыдан-туры эфир узачак, анда гариза бирү механизмнары турында сөйләячәкбез һәм барлык сорауларга җавап бирәчәкбез.