«Созвездие-Йолдызлык» Арт-резиденциясе Җиңү көненә багышланган концерт үткәрә

5 май 16.00 сәгатьтә «Созвездие-Йолдызлык» Арт-резиденциясендә Җиңү көненә багышланган концерт программасы була. Бу кичтә сугыш еллары җырлары һәм шигырьләре, узган гасыр эстрада сәнгатенең иң яхшы үрнәкләре яңгыраячак. Программага  шулай ук җырчы, актер, халыкара фестивальләр лауреаты Владимир Шнитко да кушылачак. «Дорога из города» бию театрында катнашучылар башкаруындагы бию номерларының бизәге булачак.

Өлкән иптәшләре белән бергә Татарстанның яшь талантлары – Аксубай һәм Яшел Үзән районнарыннан «Созвездие-Йолдызлык» республика фестиваль хәрәкәте лауреатлары һәм җиңүчеләре чыгыш ясаячак.

Кичәнең төп кунаклары-Казанның Киров, Мәскәү һәм Идел буе районнары ветераннар советлары вәкилләре. Моннан тыш, Донецк һәм Луганск халык республикаларыннан балалар чакырылган.

Фестиваль хәрәкәтенең генераль продюсеры, Арт-резиденция җитәкчесе Дмитрий Туманов сүзләренә караганда, фестивальдә катнашучыларда патриотик рух тәрбияләүгә аерым игътибар бирелә.

Шунысы кызыклы, «Созвездие-Йолдызлык»та тәрбияләнүчеләр республиканың барлык районнарында җиңү көненә багышланган концертлар бирәләр. Моннан тыш, Бөек Ватан сугышында Җиңүнең һәр юбилей елы якты бәйрәмгә багышлана.

Моннан тыш, бу көннәрдә «Йолдыз»лар Бөтенроссия дәүләт телерадиокомпаниясе тарафыннан игълан ителгән «Ватан нәрсәдән башлана» яшьләр патриотик җырының масштаблы телевизион марафонында-фестивалендә катнаша.