Җиңү паркында ел саен үткәрелә торган «Хәтер аллеясе» акциясе узды

2022 елның 5 мае, пәнҗешәмбе

Бүген Җиңү паркында «Хәтер аллеясе» акциясе узды. Яшь активистлар һәм барлык теләүчеләр һәлак булган солдатлар истәлегенә алмагач утырттылар.

Барлыгы 15 агач утыртылды.

«Без Җиңү көне – 9 Май алдыннан бик күп акцияләргә кушылабыз. Һәр шәһәр һәм авыл җирлеге үз геройларын үзенчә хөрмәтли, алар турында мәгълүмат җыя, цифрлы һәйкәлгә әйләнеп барган видеороликлар яза. Ә без бүген үзенчәлекле экологик һәйкәл төзибез. Бу төрле еллардагы вакыйгаларны истә тоту  мөмкинлеге, - дип билгеләп үтте ТР Яшьләр эшләре министры урынбасары Алла Кондратьева.

«Хәтер аллеясе» акциясе 2012 елдан бирле Җиңү паркы территориясендә үткәрелә. Аның бурычы-Ватан сакчыларына тере һәйкәл булдыру», - дип аңлатты ТР  «Форпост»  республика үзәге директоры Тимур Камалетдинов.