«Кызыл канәфер чәчәге» акциясе: ветераннарга һәркем ярдәм итә ала
«Апрельдән 22 июньгә кадәр ел саен бөтен ил буенча «Кызыл канәфер чәчәге» акциясе уза. Геройларыбыз турында рәхмәт һәм хәтер билгесе итеп һәркем тамгалар ала ала.
«Кызыл канәфер чәчәге»н гамәлгә ашырудан барлык акчалар ветераннарга медицина ярдәмен күрсәтүгә юнәлтелә. Бу яшьләргә патриотик тәрбия бирүнең бер формасы. Акция «Мин хәтерлим. Мин ярдәм итәм» девизы астында үтә. Хәзер бер-беребезгә һәм моңа аеруча мохтаҗ кешеләргә ярдәм итү аеруча мөһим», - дип билгеләп үтә ТР Яшьләр эшләре министры Тимур Сөләйманов.
Исегезгә төшерәбез, акция ел саен «Буыннар хәтере» хәйрия фонды тарафыннан үткәрелә. Җиңү волонтерларын һәм волонтерлык оешмаларын махсус бокслар белән сәүдә нокталары янында, скверларда һәм башка җәмәгать урыннарында очратырга мөмкин. Шулай ук, аны таратуда Россия Почтасы һәм партнерлык челтәр кибетләре катнаша.