26 майда Алексей Заика Биектау районындагы «Костер» Республика балалар сәламәтләндерү-белем бирү үзәгендә Россия мәктәп укучылары хәрәкәте активистлары белән очрашачак. Чара пионерлар оешмасының 100 еллыгына һәм балаларны яклау көненә багышланган.
Күзәтчелек ведомствосы вәкилләре белән очрашуда барлык республикадан 8-17 яшьлек 150 укучы катнашачак. Очрашу ачык әңгәмә форматында узачак.
Исегезгә төшерәбез, бу көннәрдә балалар сәламәтләндерү-белем бирү үзәгендә хәрәкәт активистлары өчен балалар сәнгать мәктәбенең иҗади остаханәсе уза.