Татарстанның 16 югары уку йортында терроризмны һәм экстремизмны профилактикалау буенча кейс-чемпионат форматында түгәрәк өстәлләр узды
2022 елның май ае дәвамында «Без – ул дөнья!» кейс-чемпионат форматында түгәрәк өстәлләр уздырылды. Татарстанның 16 югары уку йортында 1000нән артык кеше катнашында 20 түгәрәк өстәл оештырылды.
Инициатива Татарстан Республикасы Яшьләр эшләре министрлыгы һәм Татарстан Республикасында Террорчылыкка каршы комиссия аппараты ярдәмендә тормышка ашырылды.
Спикерлар булып Татарстан Республикасында Террорчылыкка каршы комиссия аппараты җитәкчесенең яшьләр ярдәмчеләре чыгыш ясады, алар арасында Татарстан югары уку йортлары укытучылары һәм аны тәмамлаучылар, «Ориентир» ресурс үзәге хезмәткәрләре дә бар иде.
Чара үзе 2 төп блоктан торды: беренче блок — тәгълимати блок, аның кысаларында спикерлар нинди радикаль агымнарның булуы, алар йогынтысында корбанга әверелмәү, төбәктә нинди деструктив хәрәкәтләр күзәтелүе, әлеге агымнарга каршы тору турында сөйләделәр.
«Студентлар арасында мондый чаралар аеруча актуаль. Яшь кешеләр хәзер даими рәвештә мәгълүмати йогынты ташкынында торалар һәм еш кына ялганның кайда булуын ачыклау кыен була. Безнең очрашуларда, кейс-чемпионатлар алдыннан, без теоретик өлеш тә бирәбез. Без яшьләр өчен мәгълүмати мохит булдырырга һәм аларның бу мәсьәләдә хокукый грамоталылыгын арттырырга тырышабыз», — диде «Без-дөнья!» программасы администраторы Адилә Фәттахова.
Оештыручылар билгеләп үткәнчә «Мондый эш форматы җанлы дискуссия тудыра, чара аудиториясенең зур өлешен гади булмаган һәм мөһим мәсьәләләрне хәл итүгә җәлеп итәргә ярдәм итә».
Проектны тормышка ашыру нәтиҗәсендә түгәрәк өстәлдә катнашучылар деструктив хәрәкәтләр барлыкка килү проблематикасын һәм сәбәпләрен карадылар, кейслар рәвешендәге реаль ситуацияләрне анализладылар, аларны хәл итү ысулларын формалаштырдылар һәм чакырылган экспертлардан тәкъдимнәр һәм аңлатмалар алдылар.