#Бербергә клубының иреклеләр берләшмәләре Донбасстан килгән балалар һәм яшүсмерләр өчен Казанның Яшьләр объектлары буенча экскурсияләр үткәрделәр
Бүген, балаларны яклау көнендә, Татарстанның иреклеләр оешмалары Донбасстан күченеп килгән балалар өчен Казанда Яшьләр активлыгы объектлары буенча экскурсия оештырдылар. Аерым алганда, балалар һәм яшүсмерләр «УРАМ» экстрим-паркында булдылар. Бизнес-бергәлекләр дә кушылды: балаларны «Кидспейс» үзәге дә кабул итте. Ә туклануны «Түбәтәй» кафесы оештырырга ярдәм итте.
«Татарстанда инде икенче ел «Безбергә» клубы эшли, ул республиканың барлык ирекле җәмәгатьчелекләрен берләштерде. Алар иҗтимагый-мөһим инициативаларда ярдәм итәләр. Шул исәптән күченүчеләрне вакытлыча урнаштыру урыннарында төрле мастер-класслар үткәрәләр.
Балаларны яклау көнендә Татарстан иреклеләре балалар өчен кызыклы урыннарга экскурсияләр оештыру инициативасы белән чыкты: кем кечкенәрәк - «Кидспейс»ка китте, ә өлкәнрәкләр «УРАМ» экстрим-паркында самокатлар һәм роликлар үзләштерә, - дип билгеләп үтте ТР Яшьләр эшләре министры урынбасары Алла Кондратьева.
Чараларны оештыручылар һәм партнерлар: «ТР Иреклеләр мәгълүмат-ресурс үзәге» АКБО, «Транснефть-Прикамье» АҖ, «Урам» экстрим-паркы, «КидСпейс» ҖЧҖ, «Түбәтәй» тиз туклану рестораннары челтәре, «Я – ДоброТворец» АКБО һәм «Ак Барс Созидание» хәйрия фонды.