«Таврида.Арт» Россия форумы катнашучылары һәм волонтерлары өчен теркәлү башланды
«Таврида.Арт» Россия форумы катнашучылары һәм волонтерлары өчен теркәлү башланды. Ул катнашучылар һәм волонтерлар өчен 3 июльгә кадәр барачак. Тамашачылар өчен теркәлү вакыты соңрак игълан ителәчәк. Чара 15 августтан 19 августка кадәр Кырымда Судак белән янәшәдә Капсель бухтасында үтәчәк.
Фестивальдә 18-35 яшьлек яшь кешеләр катнаша ала. Традиция буенча мәйданчыкка «Таврида»арт-кластеры резидентлары һәм яшь мәдәният һәм сәнгать әһелләре; блогерлар һәм инфлюенсерлар; социаль челтәрләрдә яшьләр пабликларын эшләүчеләр һәм студентларның массакүләм мәгълүмат чаралары вәкилләре; «Россия – мөмкинлекләр иле»президент платформасы проектлары лауреатлары, финалистлары һәм җиңүчеләре; #МЫВМЕСТЕ үзара ярдәмләшү акциясе вәкилләре, «Озын тәнәфес» конкурсы катнашучылары һәм аларның әти-әниләре, һ.б. киләчәк.
Аудиторияләргә беренче тапкыр Яшьләр эшләре буенча Федераль агентлыгының (Росмолодежь) форум кампаниясенең актив эшлеклеләре, урта һәм югары уку йортлары студентлары кушылачак. Катнашучылар тематик арт-кварталларда урнашачак.
«Быелгы фестивальнең төп темасы –«Авырлыклар=мөмкинлекләр». Без аны «Меганомиклар» белем бирү форматларында - киләчәк креатив индустрияләр университетыннан программалар ачачакбыз. Топ-экспертлар креатив индустрияләрдә импортны алыштыруның яңа шартларында мөмкинлекләр ачык тәрәзәсеннән файдалану һәм яшь иҗатчыларга ярдәм итү системасын булдыру мәсьәләләрен күтәрәчәкләр», - диде арт-кластер җитәкчесе Сергей Першин.
Болардан тыш, форумда яшьләр проектлары конкурсы үтә. Анда яшь кешеләр үзләренең проектларын гамәлгә ашыру өчен 1.5 миллион сум оту мөмкинлеге алачаклар.
Фестиваль катнашучылрын арт-кластер резидентлары чыгышлары көтә. Төп сәхнәдә чыгышлар Виктор Цой иҗатына багышлана.
Танылган башкаручыларның тагын бер казанышы-халык артистлары иҗатына игътибар, анда яшь иҗатчылар яңа аранжировкаларда Россия сәхнәсе йолдызларының популяр композицияләрен җырлый. Фестивальнең хедлайнерлары «Халык караокесы» яңа форматында чыгыш ясаячак: меңләгән катнашучының хитларын яраткан башкаручылар белән бергә җырлау мөмкинлеге булачак.