«Яшь парламентарийлар — бердәмлекнең киләчәгенә караш» БДБ дәүләтләренең яшьләр парламентара форумында Татарстанның яшьләр сәясәте тәҗрибәсе турында сөйләделәр
Бүген Таврич сараенда - БДБ Парламентара Ассамблеясенең штаб-квартирасында Бәйсез Дәүләтләр Бердәмлегендә катнашучы дәүләтләрнең Парламентара Яшьләр ассамблеясенең унсигезенче утырышы узды. Чараның төп темасы-Мәдәни мирасны саклауда һәм халык иҗатын үстерүдә бердәмлек яшьләренең роле.
Чарада Әзербайҗан Республикасы, Әрмәнстан Республикасы, Беларусь Республикасы, Казахстан Республикасы, Кыргызстан Республикасы, Россия Федерациясе һәм Таҗикстан Республикасы Яшьләр парламент делегацияләре әгъзалары, шулай ук Төркмәнстанның яшь парламентарийлары катнашты.
Форум кысаларында узган «Яшьләр сәясәтендә инновацион алымнар» семинарында Татарстан Республикасы Яшьләр эшләре министры урынбасары Алла Кондратьева Татарстанның яшьләр сәясәте тәҗрибәсе турында сөйләде.
Семинар кысаларында БДБ илләре киңлегендә яшьләр белән эшләүнең иң яхшы тәҗрибәләре турында фикер алышу үтте.