Кырымда Сәләтнең яңа сменасы старт ала
Сәләт, диңгез, таулар бер флаконда. Татарстанның сәләтле балалары һәм яшьләре Кырым лагерена бару мөмкинлегенә ия булачак. 29 нчы июньнән «Сәләт–Кырым» сменасы башлана.
Интеллектуаль һәм иҗади үсешкә юнәлдерелгән смена 14-18 яшьлек балаларны һәм яшьләрне берләштерәчәк. Биредә ял итүчеләр өч телдә аралаша, мәдәни һәм белем бирү программасында катнаша ала. Балалар өчен хореография, вокал, рәсем сәнгате һәм актерлык осталыгы дәресләре оештырылачак. Катнашучылар шәхси брендны үстерергә, копирайтинг, блогинг һәм SMM нигезләре белән танышачак. Аерым игътибар команда барлыкка килү, креатив фикерләү һәм шәхес психологиясенә биреләчәк.
Смена кысаларында Татарстанның һәм Россиянең әйдәүче белгечләреннән һәм галимнәреннән, мәдәният һәм сәнгать хезмәткәрләреннән дәресләр һәм мастер-класслар үткәрү планлаштырыла.
Сменаны үткәрү урыны – Кырымның көньяк ярындагы энҗе бөртеге булган «Сәләт–Ак Барс» яшьләр үзәге. Форос паркы-чын-чынлап уникаль урын.
База волейбол, баскетбол, мини-футбол мәйданчыгы булган спорт комплексы белән җиһазландырылган, шулай ук зур футбол һәм стритбол өчен спорт мәйданчыклары, хореография һәм көрәш өчен зал, тренажер залы, скалодром бар.
Сменада шулай ук Кырым Республикасыннан килгән ватандашлар катнашачак. Анда фән, мәдәният һәм спорт өлкәсендә шәхси казанышлары, фән олимпиадаларында, фестивальләрдә һәм конкурсларда җиңүләр күрсәтелә. Аннан соң һәр катнашучы әңгәмә этабы уза.